Davao Oriental – Nakumpiska sa mga otoridad ang gibanabana nga ₱11,200,000 kantidad sa gituohang smuggled cigarettes atol sa usa ka joint interdiction operation sa Lupon, Davao Oriental niadtong Hunyo 25, alas-7:30 sa buntag ug miresulta sa pagkadakop sa duha usab ka indibidwal.
Sumala sa Lupon Municipal Police Station, namatikdan sa mga operatiba ang mga pakete sa sigarilyo sulod sa mga sakyanan sa mga suspek nga walay Bureau of Internal Revenue (BIR) tax stamps ug Graphic Health Warning labels atol sa ilang pag-verify sa mga dokumento sa sakyanan ug kargamento.
Dugang pa nga boluntaryong giablihan sa duha ka drayber ang ilang mga sakyanan, diin nadiskobrehan ang gibanabana nga 400 ka kahon sa sigarilyo. Wala usab makapakita ang mga suspek og mga dokumentong nagtugot sa pagpanag-iya ug pagbiyahe sa maong mga produkto.
Sa karon, anaa na sa kustodiya sa kapulisan ug nakigkoordinar na ang Lupon MPS sa CIDG Davao Oriental Provincial Field Unit ug Bureau of Internal Revenue alang sa pag-andam sa tukmang mga kaso ug dugang imbestigasyon batok sa mga suspek.
RadyoMaN Wil Duran
Sumala sa Lupon Municipal Police Station, namatikdan sa mga operatiba ang mga pakete sa sigarilyo sulod sa mga sakyanan sa mga suspek nga walay Bureau of Internal Revenue (BIR) tax stamps ug Graphic Health Warning labels atol sa ilang pag-verify sa mga dokumento sa sakyanan ug kargamento.
Dugang pa nga boluntaryong giablihan sa duha ka drayber ang ilang mga sakyanan, diin nadiskobrehan ang gibanabana nga 400 ka kahon sa sigarilyo. Wala usab makapakita ang mga suspek og mga dokumentong nagtugot sa pagpanag-iya ug pagbiyahe sa maong mga produkto.
Sa karon, anaa na sa kustodiya sa kapulisan ug nakigkoordinar na ang Lupon MPS sa CIDG Davao Oriental Provincial Field Unit ug Bureau of Internal Revenue alang sa pag-andam sa tukmang mga kaso ug dugang imbestigasyon batok sa mga suspek.
RadyoMaN Wil Duran
Facebook Comments
