Davao City – Nalambigit sa kawat og akyat bahay ang top 3 drug watchlist sa Davao Region nga si Raffy Gaas, alyas ‘Aping’, hingkod ang edad human misukol patay sa Sta. Ana Police sa buy bust operation sa Purok San Marcos, Brgy.Centro, Agdao, Davao City.
Sa pakighinabi sa DXDC RMN Davao kang PLT Col.Ronald Lao Hepe Sta. Ana Police Station gibutyag niini, dugay-dugay na usab nga gipanid-an sa mga operatiba ang gihimong pagpayuhot og illegal nga droga sa suspetsado.
Segun ni Lao, malampusong napalitan sa illegal nga droga si Aping ug nakuha gikan sa iyang posisyon ang 4.8 grams sa shabu nga mokantidad sa kapin P30,000.
Narecover sa mga awtoridad sa posisyon sa suspect, ang usa ka taurus caliber .38 revolver nga maoy gigamit sa pagpusil sa pulis. Gidala pa sa Southern Philippines Medical Center (SPMC) ang suspect apan nakabsan kini sa kinabuhi.
RadyoMaN Don Pulayao
Facebook Comments
