P500K reward money, ihatag sa makatudlo sa robbery suspect sa Tagum City

Gipakatag na sa Tagum City Police Station ang sakop sa kapulisan ug force multipliers sa mga crime prone areas samtang gipakusgan ang intel monitoring ug awareness campaign aron mukunhod na ang tulis o lain pang mga krimen sa lungsod subay sa OPLAN ASA KA o Anti Sexual Abuse, Kidnapping and Anti- Criminality Campaign human nga sagunsong natala ang robbery cases.

Subay niini, nagtanyag ni Business Tycoon Larry Rubinos og P500,000 sa bisan kinsang makahatag og impormasyon aron masikop ang suspect nga mitulis sa iyahang gas station sa Canocotan, Tagum City niadtong December 6, 2023.

Sa interview sa DXDC RMN Davao kang PLtCol. Jeffrey Latayada, Chief of Police sa Tagum City PNP, giila ang biktima nga si Teodulfo Oxina Jr., 33 anyos nga taga Barangay Visayan, Tagum City ug cashier sa maong gas station.

Saysay sa biktima nga alas 8:40 sa gabii samtang padulong siya nga mag-remit sa kita sa gas station, kalit na lamang kining giduol sa usa ka wala mailang lalaki ug siya gitionan og pusil dayon mideklara og hold-up.

Nakuha sa biktima ang kapin kun kulang P109,000 dayon misibat sa wala matinong direksyon.

Sa pagkakaron, nagpadayon pa hot pursuit ug dragnet operation sa kapulisan aron madakpan ang tulisan.

RadyoMaN Ivy Parido