Kalibo, Aklan — “Tanga ka, Gaga, di muna ako mahal, sa lahat ng babae na nakilala ko ikaw ang tanga”! raya rong ginhambae it sangka eaeaki sa sambilog sa mga masahista it Ocean Wave Massage kabii nga nahamtang sa Osmeña, Avenue, Kalibo rason nga imaw pinadakop sa pulis.
Rong biktima nakilaea kay Mary Ann Flores y Palma, 22-anyos ag residente man it nasambit nga lugar samtang rong mga suspek nakilaea kanday Lucio Frias y Frio, 47-anyos ag Rex Rapsing, 27-anyos tanan residente it Duran, Dumalag, Capiz ag temporary nga naga uli sa Brgy. Manggan, Banga.
Sa report it Kalibo PNP nga nakabaton sanda it report angot sa nasambit nga pag eskandalo ko mga suspek sa nasambit nga massage parlor ag gin respondihan.
Sa pag-abot ko mga kapulisan nakita nga buyot ni Rapsing rong baril ag sa pag-usisa it mga kapulisan nasayuran nga raya hay sangka loose firearm nga cal. 45, 1911 armscor nga may magazine ag loaded it ap-at ka mga bala. Nasayuran nga uwa man it ginpakita nga papels si Rapsing angot sa paghupot it baril.
Dugang pa gid nga mag-eowas sa paghambae it mga maea-in nga tinga ni Frias sa babaye hay ana pa nga tinapdusan ko anang eambong nga inigo ngani sa anang uyahon.
Sa makaron kulong sanday Frias ag Rapsing sa lock up cell it Kalibo PNP para atubangon ro posible nga igapasakang kaso kuntra kanda.
