Kalibo, Aklan — Pareho nga na-ospital rong mga sakay it daywa ka motorsiklo matapos nga mag sunggaban kabii sa national highway it Brgy. Tigayon, Kalibo, Aklan.
Ro mga biktima hay nakilaea kanday Jason ag Maffi Mia Smith (mag-asawa) ag Kevin Mostajo it Sitio Libuton, Bakhaw Norte, Kalibo.
Ro mag-asawang Smith hay parehong nakaangkon it lastro sa waea nga batiis ag sari-saring parte it eawas ag naka admit sa Panay Health Care Hospital, samtang si Mostajo hay may lastro sa anang ueo ag padayon man nga gina obserbahan sa Intensive Caure Unit (ICU) it Provincial Hospital.
Sa report nga rayang mag-asawa hay naga pauli eon sa banwa it Banga pero pag abot sa natabuan kung aksidente sanday hay nakabanggaan ni Kevin Mostajo nga halin sa banwa it Banga ag naga puli man eon iya sa banwa it Kalibo.
Padayon pa rong imbestigasyon it Kalibo, PNP angot sa nasambit nga aksidente.
