Davao City – Gibawal ang pagpalupad og drones sa syudad sa Davao atol sa Ironman 70.3 sugod karong Marso 24,2023.
Sa interbyu sa DXDC RMN Davao kang Police Major Catherine dela Rey, Spokesperson sa DCPO, miingon kini nga gidili ang paggamit og mga drones sa mga vlogger ug media gawas lamang kadtong dunay security clearance gikan sa Public Safety and Security Office (PSSO).
Segun ni dela Rey, kumpiskahon ang drone sa mga nagpalupad apan walay clearance gikan sa PSSO.
Dugang pahinumdom ni dela Rey nga dili magtaka’g palupad og drones ilabina nga dunay ‘no fly zone’ sa syudad nga gipatuman sa Davao City International Airport aron likay pagkabalda sa mga eroplano nga naga landing ug naga take off.
RadyoMaN Don Pulayao
Facebook Comments
