DENGUE CASES SA WESTERN VISAYAS, PADAYON NGA NAGASAKA; KADAM-AN SA MGA BIKTIMA, MGA KABATAAN!

11
Roxas City, Capiz – Nagpaandam subong ang Department of Health – 6 sa publiko tuhoy sa pagduging sang dengue subong nga panahon sang tig-ululan.
Ini matapos nga nakit-an ang padayon nga pagsaka sang kaso sang dengue sa bilog nga Western Visayas base sa datus nga gina-paguha sang Department of Health Region VI 6- Dengue and Malaria Program.
Ang mga probinsya sang Negros Occidental kag Antique ang may yara sang pinakamataas nga kaso. Ini ang ginasundan sang probinsya sang Iloilo, Capiz, Aklan, kag Guimaras.
Base sa ginpaguha nga morbidity week report sang Regional Epidemiology and Surveillance Unit (RESU), naglab-ot na sa 2,065 ang kabug-usan nga kaso ang dengue sa rehiyon sais kun sa diin 20 na ang ginbawian sang kabuhi.
Suno sa RESU, mas mataas sang 149% ang numero sang dengue cases sa rehiyon kumpara sang nagligad nga tuig sa pareho nga mga binulan.
Talalupangdon man sa rekord nga kadam-an sa mga pasyente ang mga kabataan.
Facebook Comments