Sa eksklusibong pakighinabi sa DXDC RMN Davao, miingon si PLTCOL Frederick C. Sa-Ao, Chief of Police sa Mati City Police Station, nga nagsakay og pedicab ang biktima sa dihang giingong nahitabo ang insidente. Nakaangkon usab og samad sa ulo ang biktima human giingong gipukpok gamit ang brass knuckles ug gilayon kining gidala sa Davao Oriental Provincial Medical Center alang sa medical examination.
Paspas usab nga gilunsad sa kapulisan ang hot pursuit operation. Pinaagi sa koordinasyon sa lokal nga mga otoridad, boluntaryong misurrender ang suspek ngadto sa usa ka barangay official sa Barangay Don Martin Marundan alas-8:10 sa gabii, Agosto 28. Positibo usab siyang giila sa biktima isip maoy giingong nalambigit sa insidente.
Atol sa iyang pagsurrender, nakuhaan usab ang suspek og gituohang shabu nga adunay standard drug price nga kapin P41,000.
Sa pagkakaron, giandam na ang tukmang mga kaso batok kaniya, lakip ang Attempted Rape, Frustrated Homicide, ug paglapas sa RA 9165 o Comprehensive Dangerous Drugs Act. Gipaabot usab ang resulta sa drug testing sa suspek ug ang pagpadayon sa ubang legal nga proseso.
RadyoMaN Kareen Beltran
