Kalibo, Aklan – Dismayado ro pila ka mga mambabatas sa mahinay nga pagtao it ayuda sa mga trabahador nga apektado it Boracay closure.
Sa hearing it House Committee on Natural Resources, gin-ako ni Labor Assistant Secretary Joji Aragon nga may kapin 5,000 ka mga trabahador pa eang ro andang nataw an it bulig halin sa 17000 nga nagpalista.
Nagaguwa man nga sa P450 milyon nga alokasyon nga bulig sa mga trabahador, P20 milyon pa eang ro na release ag napanupod.
Nasayuran man nga katunga eang it mga commercial establishment ro nakakonekta sa sewerage system.
Samtang, ginpuna man ni ACT Teacher Partylist Representative France Castro si Malay Mayor Ceciron Cawaling bangud sa matsa kawad-an it kabilugang plano it gobyerno sa rehabilitasyon it Boracay.
