Nagahingyo ang Department of Public Works and High Ways ukon DPWH -6 sa pamunuan sang Iloilo Provincial Government nga indi paglimitahan ang ginahiwat nga quarry operations sa probinsya sang Iloilo.
Sa ginpadala nga sulat ni DPWH Regional Director Wenceslao Leano kay Gov. Arthur Defensor Sr., iya ginpahayag nga madamo ang proyekto apang delayed ang accomplishment bangud ginakulang sila sang materyales ilabi na ang balas kag bato .
Suno kay PENRO Chief Atty. Bong Cangrejo, ginahingyo ni Leano sa provincial government nga hatagan sang prayoridad kag indi paglimitahan ang ginahiwat nga quarry operations sang mga quarry permittee.
Madumduman nga ginpirmahan ni Iloilo Governor Arthur Defensor Sr. ang executive order nga naga deklara sang temporary suspension ukon moratorium sa issuance sang industrial kag commercial quarry operations agud maamligan ang mga suba sa probinsya sang Iloilo.
