Davao City – Gipahibalo sa Department of Information and Communications Technology (DICT) Region XI nga adunay 742 ka bakanteng trabaho nga itanyag sa ilang Job Fair ug One-Stop Shop karong Martes, Hunyo 9, 2026, sa SM City Ecoland sa Davao City.
Kabahin kini sa pagsaulog sa National ICT Month 2026 ug ika-10 nga anibersaryo sa DICT, diin mahimong maka-aplay dayon ang mga job seeker ug makigkita sa nagkalainlaing employers gikan alas-8:00 sa buntag hangtod alas-3:00 sa hapon.
Lakip sa mga posisyong mahimong ma-aplayan ang customer service representative, technical support representative, administrative staff, data encoder, sales personnel, ug uban pang trabaho sa nagkalainlaing industriya.
Gani, giawhag sa ahensya ang mga bag-ong gradwar, eksperyensiyadong empleyado, career shifters ug mga gustong mosulod sa digital workforce nga magdala sa ilang updated resume aron makapangita og oportunidad sa trabaho.
RadyoMan Wil Duran
Facebook Comments
