Davao City – Gikatakdang kasohan karong adlawa, Lunes Abril 3, 2023 batok sa driver sa dump truck nailang si Dominic Donillo nga nakabangga sa usa ka ford ranger pick-up nga gimaneho ni Allan Joy Retardo sa National Highway Purok 9, Brgy. Tuburan, Mawab, Davao de Oro, ala 1:45 sa hapon niadtong Marso 31, 2023.
Sa report gikan sa Mawab Municipal Police Station, kasong Reckless Imprudence Resulting to Homicide and Physical Injuries to damage Property ang atubangon sa driver sa dump truck nga detinado karon sa Mawab MPS.
Samtang ang lima ka mag na-angol padayong gitambalan sa Davao de Oro Provincial Hospital diin usa ka menor de edad ang nakabsan sa kinabuhi nga si alias Camille taga Purok Avocado, Poblacion Maragusan, Davao de Oro.
Kahinumduman nagbiyahe padulong Tagum City gikan Maragusan ang pick-up ug pag-abot sa kurbada nga bahin sa lugar, na-overshoot ang usa ka dump truck rason nga nibangga kini sa pick up nga gisakyan sa mga biktima.
RadyoMaN Don Pulayao
Facebook Comments
