Davao del Norte – Gisugdan sa Department of Agriculture–Davao Region ang pagpangandam alang sa pilot testing sa drone AI sa mga umahan sa saging sa Davao del Norte. Kauban sa proyekto ang Department of Science and Technology ug ang E-Support Link aron masusi ang kahimtang sa mga tanom gamit ang modernong teknolohiya.
Ang drone AI gisulayan sa tulo ka lugar—Panabo, Braulio E. Dujali, ug Mabini. Matag lugar adunay lima ka ektarya nga banana plantation nga gimapa gamit ang drone.
Sa Mayo, ikumpara ang manual nga pag-ihap sa mga punoan sa saging ug ang resulta sa drone AI aron masuta ang katukma niini. Gilauman nga moabot sa 95 porsyento ang accuracy sa teknolohiya, ug sunod niini ang pagsulay sa sayong pagtuki sa mga sakit sa tanom.
Sumala sa DA-11, dako kini og tabang sa mga mag-uuma aron mapalambo ang produksyon sa saging ug malikayan ang mga sakit sama sa Fusarium wilt. Naglaum usab ang mga tag-iya sa umahan nga mas mapadali ang pagmonitor ug mas mudako ang ilang ani pinaagi sa bag-ong teknolohiya.
RadyoMaN Kareen Beltran
Facebook Comments
