TACLOBAN CITY – Arestado han Leyte Police Provincial Office ngan Philippine Drug Enforcement Agency (PDEA) an upat nga suspek nga nagbabaligya hin gin-aaligar illegal nga droga ha Brgy. 109-A, V&G Tacloban, City dida han nakalabay nga martes, Marso 26.
Subay han report tikang ha PDEA, ginkilala an mga suspek nga hira Carlo Juliano Batan Go alyas “Jolo Go”, 28 anyos, usa nga estudyante ngan drug den maintainer; Jojemar Vergara Laudino, 20 anyos, usa nga estudyante, Kyle Micheal Soledad Gomez, 19 anyos, usa nga estudyante; ngan Carlito Go, 29 anyos, usa nga estudyante ngan mga residente ha Brgy. 109-A V&G han syudad.
Ha buy-bust operation han mga otoridad, napalit tikang ha mga suspek an tulo (3) kapakete han gin-aaligar shabu ha kantidad nga P3,400., ngan usa kapakete han gin-aaligar marijuana ha kantidad nga P200.
Maatubang an mga suspek ha mga kaso nga sale ngan possession of illegal drugs, maintainance of drug den, employees or visitors of den, possession of drug paraphernalia ngan possession of dangerous drugs during party.
Paslak na an mga suspek ha PDEA detention facility.
