Davao City – Patay human giingong nisukol ang duha ka mga drug suspects atol sa gikasang buy-bust operation sa Sasa PNP sa Old Blk-3, Brgy. San Isidro, Buhangin, Davao City.
Sumala ni Sasa PNP Station Commander Police Major Ruben Libera nga subject sa ilahang operasyon mao si Jerry Juaton, 45 anyos.
Nakamatikod matud pa ang suspek nga pulis ang ilahang ka-transact namusil kini sa iyahang revolver hinungdan nga nibalos na ang mga kapulisan.
Nibunlot usab sa iyahang pusil ang kauban sa suspek nga si Hernan Maurillo og lakip kini sa na-neutralisa sa maong operasyon.
Gibutyag ni Libera nga mokabat sa P250K kantidad sa shabu ang narekober sa mga suspek.
Gidala na karon sa Rivera Funeral Homes ang patayng lawas ni Maurillo samtang sa St. Peter Funeral Parlor gidala ang patayng lawas ni Juaton alang sa autopsy.
RadyoMaN Aimee Guinita
