DTI-XI: Face shield prices gimonitor

39

Davao City – Giingong ‘hot issue’ karon sa Davao area ang presyo sa face shield.


Sa pakighinabi sa Straight to the Point Morning Edition kang Department of Trade and Industry kun DTI-XI Belenda Ambi, naglusad ang ahensya uban ang Food and Drug Administration (FDA) og monitoring sa mga presyo sa face shield human nga in demand kini gumikan sa ipatumang mandatory face shield sa public transportation sugod August 15, 2020.

“Naghimo mi og monitoring with FDA last Monday to check on the price differences. Naay nipis nga face shield, they sell it at P35-40, naa pud uban P80 ug naa pud hard plastic nga ang cost is P100 plus kanang murag helmet ang dating. Valid ang prices, valid pud ang quality,” segun ni Ambi.

Gipasabot ni Ambi nga ang Department of Health (DOH) ang muhatag sa SRP sa face shield gumikan sila matud pa ang dunay authority sa paghatag og SRP sa mga health-related products.

Kahinumduman nga gi-set sa DOH ang suggested retail price (SRP) sa face shield products gikan P26 – P50 per piece butang nga gikaangalan sa mga mamaligyaay gumikan mahal matud pa ang ilang palit sa ilang suppliers.

RadyoMaN Renz Barbarona

Facebook Comments