Duha ka kawatan sa mall nisikat, dihang nakuhaan og video sa CCTV

31
Pagadian City – Nakit-an sa CCTV ang duha ka kawatan nga nanguha og mga branded nga cellphone sulod sa usa ka mall ning dakbayan.
Nikatag karon sa Social Media ang kopya sa CCTV nga nakuha sulod mismo sa tindahan nga gikawatan sa mga items sa babaye ug lalaki nga nagpaka aron-ingnong customers.
Sa ilang pagpanubay ilang nasuta nga mikuha ang maong mga kawatan og duha ka cellphone nga Oppo A16k nga pulos brandnew.
Padayon pang gisuta ang identipikasyon babaying suspek nga maoy nakigsulti ug milipat sa tendira aron makuha ang atensyon niini samtang ang iyang kauban nga lalaki maoy nangita sa target nga cellphone nga ilang kawaton.
Dihang nakabenta ug nalipat na ang tindera gigamit sa duha ka kawatan ang dala niining gamit nga maoy gitabon sa stante nga gibutangan sa cellphone.
Nahitabo ang krimen alas 9:53 kagahapon sa buntag April 28, 2022 sulod sa City Commercial Center kun C3 Mall.
Kasamtangang gipangita na ang mga suspek samtang gi-andam ang kaso nga isang-at sa theft and robbery section sa Pagadian City PNP.
Facebook Comments