Dul-an P300-K droga nasakmit sulod sa drug den, 3 arestado

67
Davao City- Napulpog sa Provincial Office of Philippine Drug Enforcement Agency Regional Office XI uban sa RPDEU XI, Davao de Oro Police Provincial Office ug Nabunturan Municipal Police Station ang usa ka gituohang drug den sa Nabunturan, Davao de Oro.

Matud sa PDEA XI malampuson nilang naaresto ang subject sa buy bust operation nga si Frank Gil Salimbagat @ Don-Don, 22 anyos.

Napalitan ang suspek sa agent sa PDEA XI nga nagsilbing poseur buyer for selling og 1 gramos sa shabu nga nagkantidad sa P10, 000.

Sulod usab sa nasangpit nga drug den nadakpan ang lain pang suspek nga si Aira Mae Tayangtang, nga gisuspetsahang co drug den maintainer ni Salimbat ug sikop usab sa operasyon ang drug den visitor nga si Hamisah Didato.

Musumada sa 14 gramos sa shabu kun P210,000 ang estimated street value ang narekober sa mga operatiba.

Ang mga suspek kasuhan og paglapas sa Section 5 (Sale of Dangerous Drugs) Section 6 (Maintenance of a Drug Den), Section 7 (Employees and Visitors of a Den), 13 (Possession of Dangerous Drugs During Parties, Social Gatherings or Meetings,) ug Section 14 (Possession of Equipment, Instrument, Apparatus and Other Paraphernalia for Dangerous Drugs During Parties, Social Gatherings or Meetings), sa Article II sa Republic Act 9165 kun The Comprehensive Dangerous Drugs Act of 2002.



RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments