Malinao, Aklan – Dead on the spot rong sangka eaeaki matapos nga eab-on it anang ingkampod ko Sabado it gabii sa Sitio Mambog, Cabayugan, Malinao, Aklan
Rong biktima nakilaea kay Sunny Isuga Ibutnnade, 28-anyos samtang rong suspek nakilaea kay Mark Niel Isuga Inson, 30-anyos tanan residente it nasambit nga lugar.
Suno sa suspek nga naga inum-inum sanda ko anang mga barkada samtang naga ubra it anang bangerahan tag nag-abot rong biktima nga naka inum man eagi ag nakipag inuman man kanda.
Ko ulihi nakaangkon it mainitang diskusyon sa tunga nandang daya bangud ko ro biktima hay makulit ag umabot sa punto nga linabo it suspek rong biktima.
Nasayuran nga rong biktima hay nagapang gaeab ag pagkatapos nanda gaeab ko adlaw ngato hay may pahines ag pauwak nga inum.
Ginsugid man it suspek nga rayang bikitma hay maoy kon makainum ag may mga bagina eon sanda ko una pa pero ana eang nga ginpasensyahan.
Samtang sa pahayag ni Police Executive Master Sergeant (SPO4) Mario Uy ro Deputy Chief of Police it Malinao PNP nga nag-abot sa andang istasyon rong suspek kaibahan ro Brgy. Treasurer it Cabayugan ag nagsurrender nga may anang haeabo sa lugar.
Insigida man nga nagresponde rong Malinao PNP sa lugar ag pag-abot nakita nanda rong bikitma nga nagahamyangon ag uwa eon it kabuhi nga haeos maputoe rong li-og.
Naga guwa man sa andang imbestigasyon bangud ngani sa diskusyon ag mga nakainum hay natabo rong krimen. Sa makaron hay nakakulong eon sa lock up cell it Malinao PNP rong suspek.
Uwa man marecover it mga otoridad ro sanduko nga gingamit sa krimen.
Samtang makaron nga adlaw man nakataeana nga maga istorya rong magtimbang nga pamilya para sa sangka settlement.
