Kalibo, Aklan — Patay gid rong sangka 40-anyos nga eaeaki matapos nga makuryente kabii sa andang baeay sa St. Bernard Subdivision, Brgy. New Buswang, Kalibo, Aklan.
Ro biktima nakilaea kay Romel Fulgencio, residente man it nasambit nga lugar.
Sa record it Kalibo PNP nga kabii mga alas 7:00 hay nadiskubrehan eon lang ko anang tatay nga uwa eon it kabuhi ro biktima ag gina eogban na rong wire.
Una kara hay gindaehan imaw it pagkaon ni tatay na sa anang ginahamtangan ag gin aywan, pagtan-aw it uman ko anang tatay dikato na nadiskubrehan nga patay eon ro anang unga.
Nasayuran nga rayang biktima hay may una nga nervous breakdown.
Nakaangkon ro biktima it 2nd degree burn sa anang waea ag tuo nga ibabaw it butkon ag 1st degree burn sa anang likod.
