Evacuation center gibantayan sa kapulisan kontra kawat

Davao City – Hugot nga seguridad ang gipatuman sa kapulisan Sta. Ana sa pagbantay sa mga pamilya sa nasunogan nga temporaryong gihikling sa duha ka evacuation center sa Brgy. 21-C ug 22-C, Piapi Boulevard ning syudad sa Davao.

Sa interbyu sa DXDC RMN Davao kang Police Captain Rizalito Clapiz, Deputy Chief Sta. Ana Police Station gibutyag niini, 24 oras ang pagbantay sa mga awtoridad sa duha ka evacuation center aron walay subling mahitabong pagpangawat.

Segun ni Clapiz, nitabang usab sa pagbantay ang mga Barangay Tanod, Force Multiplier ug Field Training Personnel (FTP) nga gikan sa presinto uno (Sta.Ana Police Station).

Gidugang ni Clapiz, subay sa ilang monitoring walay natala nga nabiktima sa pagpangawat sukad gibantayan sa mga pulis ang duha ka evacuation center.

Kahinumduman nga dunay pipila ka mga evacuees mireklamo atol sa nahitabong pagpangawat sa mga pamilya sa nasunogan apan gibuhatan gilayon og pamagi ni Brgy. 21-C kapitan Edmundo Altizo Sr.

RadyoMaN Don Pulayao