Giila kini ni Police Major Meliton Sango I, Manay Municipal Police Station commander nga si Rex Bansag, 37 anyos, kanhi- CAFGU /Active Auxiliary (CAA), Purok Centro, Barangay Holy Cross, Manay, Davao Oriental.
Gibutyag ni Sango, subay sa CCTV footage, pasado alas 10:53 sa buntag (oras sa cctv), nisulod kini sa banyo ug nakita nga gasipa-sipa ang tiil niini sa ere ug pagsusi sa duty Desk Officer unconscious na ug nakahikot ang bag strap sa liog niini.
Daling gidala ang suspek sa Carmen Alvar Teshiba Provincial Hospital, Manay, apan gideklara na kining dead on arrival sa attending Physician nga si Dr. Karen Joyce Go Chua-De Fierro.
Matud ni Sango, si Bansag nadakpan niadtong Biyernes kinsa gitudlong alegasyong nanlugos og menor de edad.
RadyoMaN Aimee Guinita
