EXCLUSIVE: 29 anyos nga lalaki gin-aaligar naghikog gamit an cable wire

5393

TACLOBAN CITY- Nagpakamatay an usa nga lalaki ha Phase 2-B Uranos St. Brgy. 109 V&G Subdivision, Tacloban City kagab-i, May 22.

Subay ha report han Tacloban PNP Station-1, ginkilala an gin-aaligar nagpakamatay nga hi Eduardo Insigne III, 29 anyos nga residente ha nasabi nga lugar.


Nagawas ha inisyal nga imbistigasyon han mga otoridad nga nag-uusaan la hi Eduardo ha ira panimalay tungod nga nakadto ha Manila an magurang hini nga bugto para han seminar.

Han panginanuon han usa hini nga bugto nga hi Eduardo Insigne Jr., 31 anyos, residente ha Palanog han syudad, nakit-an niya an iya manghod nga nakaluhod ha may dining area pero mayada cable wire ha liog hini nga nakakabit ha bungbong han ira panimalay.

Gin-iimbistigaran pa han mga otoridad kun mayada foul play han insidente.

Facebook Comments

From Advertisers