Mati City – Nadiskobrihan sa Mati City Police Station (CPS) ang 700,000 ka smuggled nga sigarilyo pinaagi sa pagpanguna ni PLTCOL Frederick Sa-ao, Acting Chief of Police, uban sa law enforcement unit sa Phase 2, Barangay Dahican, Mati City, alas-8:00 sa gabii, adlaw’ng Dominggo, Hunyo 14, 2026.
Sa gilusad nga operasyon, ang maong mga sigarilyo napalgan sa gibiyaang puti nga Mitsubishi nga sakyanan ug adunay kargang 28 ka master cases sa CANNON Menthol 100’s nga sigarilyo.
Samtang ang matag case gilangkuban og 50 ka reams. Daling girekober kini sa mga opisyal sa barangay ug opisyal nga gi-turn over sa CIDG Mati.
Gani, sa karon, anaa sa kustodiya sa kapulisan ang maong mga narekober nga item, lakip ang sakyanan, alang sa hustong disposisyon, ingon nga nagpadayon pa usab ang imbestigasyon atol sa maong panghitabo.
RadyoMaN Gretchel Egut
Facebook Comments
