Factory sa Pansit nasunog; P3M damyos

34

Davao City – Gibana-banaang anaa sa P3,000,000 ang damyos sa miulbong sunog sa usa ka factory sa pansit sa Km. 14, McArthur Highway, Toril, ning syudad sa Davao, nahitabo alas-8:25 kagabii.

Atol sa interbyu kang SFO1 Cheric Dalupere, fire investigator sa Toril Fire Station, gisaysay niini nga alas-8:34 sa gabii nadawat nila ang report nga dunay miulbong sunog rason nga dali nila kining girespondehan.


Matud ni Dalupere nga totally damaged ang production area sa maong gambalay samtang partially damaged ang packaging area niini human sa usa ka oras nga binakbakay sa kalayo.

Gisulayan og interbyu ang tag-iya sa maong pabrika apan nagdumili na kini mihatag og pamahayag.

Nasayran nga usa ka Janeth Jaro , usa ka housekeeper ang nasamdan sa sunog.

Samtang nagpadayon pa ang imbestigasyon sa awtoridad sa kawsa sa maong insidente.

RadyoMaN Jason Amisola

Facebook Comments

From Advertisers