Hilong nga eaeaki habun-an matapos nga mag iskandalo sa sangka masahehan

13

Kalibo, Aklan – Gina obserbahan makaron sa Intensive Care Unit (ICU) it sangka pribadong hospital rong sangka eaeaki matapos nga mabun-an kaina it aga-aga sa sangka masahehan nga nahamtang sa Jaime Cardinal L. Sin Avenue, Andagao, Kalibo, Aklan.
Nakilaea rong biktima kay Jessie Amigos Lecerio Jr., 33-anyos it Malay, Aklan ag temporary nga dayon sa Salazar Compond samtang rong suspek nakilaea kay Ricardo Balana Redoyco, 30-anyos it Andagao, Kalibo.
Suno kay Police Executive Master Sergeant Abraham Regatalio it Kalibo PNP nga nagaguwa sa andang imbestigasyon ag basi man sa panugiron it caretaker kung masahehan nga si Malou Madiano, 22-anyo ag taga Maria Cristina, Madalag nga nagsaka ro biktima nga hilong ag sumueod sa masahehan ag nagasinggitan kon siin ro comfort room.
Ginsaway imaw ni Madiano kung sa siin ginduro-duro pa raya it biktima ginsipa ag tinikwang.
Nahaabutan man raya ko suspek nga si Redoyco kung sa siin nagpatunga raya ag may nagtuhaw nga mainitang diskusyon hasta umabot sa punto nga anang habuno ro biktima sa waea nga parte it kilid partikular sa ubos it ilokon.
Insigida nga gindaea sa Aklan Provincial Hospital si Lecerio para sa nagakaigo nga pagbueong apang gintransfer daya sa sangka pribadong hospital bangud nga kinahangean nga maibutang raya sa ICU samtang rong suspek hay insigida nga pumanaw pa Malinao pero nagpangako man raya nga magabalik ag atubangon rong anang gin ubra.

Facebook Comments

From Advertisers