Gawasnon na karon sa balay bilangguan ang usa ka dinakpan sa gihimong operasyon sa kapulisan sa Jose Dalman.
Base sa nahipos nga impormasyon sa kapulisan sa moang lungsod nakadawat sila ug confidential information may kalabot sa presensya sa pinangita sa balaod didto sa brgy. Tabon Jose Dalman, ning probinsya sa Zamboanga del Norte.
Kahibaloan nga dali miadto sa nahisgutan nga lugar ang sakop sa PNP Jose Dalman sa pagpanguna ni PSI Jimmy Tagapan Abrasaldo ug didto nasikop si Syria Gumawang Balbosa, 44 anyos.
Si Balbosa nag atubang kini sa kasong Grave Oral Defamation human nalutsan ug warrant of arrest sa MCTC.
Hinuon dali ra usab kining gibuhian human naka pyansa sa kantidad nga P6,000mil ka pesos alang sa iyang temporayong kagawasan.
Samtang didto sa brgy. Seriac, Siayan usa ka unit sa hand Grenade ang gi turn over sa buhatan sa kapulisan pinaagi ni kapitan Ernesto L. Galila human kini nakita sa iyang barangay Tanod atol sa ilang gihimong pagpanglimpyo sa ilang barangay.
Butyag pa ni Psinsp Rey Quintano Tolosa ang hepe sa maong lungsod nga nagpasalamat sila tungod kay gi turn over kini ilang buhatan ilabi na nga hugot ang ilang kampanya karon sa Oplan Boga alang niadtong mga napaso na nga lisensya sa armas.
