Isinagawa ang *Family Welfare Program Committee Meeting cum Orientation* bilang bahagi ng pagpapalakas ng mga programang nakatuon sa kapakanan ng mga manggagawa at kanilang pamilya.
Pinangunahan ng Department of Labor and Employment Western Pangasinan Field Office ang aktibidad, kung saan inimbitahan ang Public Employment Service Office (PESO) sa pamumuno ni Eleanor T. Bruno. Idinaos ang programa sa The First Islatel sa Barangay Lucap.
Layunin ng gawain na paigtingin ang family-centered approach sa mga lugar ng trabaho upang mapabuti ang kapakanan ng mga empleyado, mapataas ang produktibidad, at mapatatag ang ugnayan sa pagitan ng pamunuan at mga manggagawa. Tinututukan din nito ang paglikha ng mas organisado at suportadong workplace environment.
Nagbahagi rin ng kaalaman ang mga resource speaker na sina Dr. Emielou E. Gellado, OIC ng City Administrator’s Office, at Elizabeth A. Radoc na kinatawan ni Marina F. Aquino.
Sa suporta ni Arth Bryan C. Celeste, patuloy na isinusulong ng lokal na pamahalaan ang mga programang naglalayong itaguyod ang kapakanan ng komunidad sa pamamagitan ng mga inisyatibong nakasentro sa pamilya.
Ipinakita ng naturang aktibidad ang matibay na pagtutulungan ng iba’t ibang ahensya upang makabuo ng mas maayos, produktibo, at makataong kapaligiran sa trabaho para sa mga manggagawa sa lungsod. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
