General Santos City–Hugtanong nanghimakak nga siya lambigit sa droga ang suspetsadong itago lang sa pangalang si Alias Cherry Mae (Gituyo ug tago ang pangalan) kansa nasikop atol sa gihimong buybust Operation nga gipahigayon sa usa ka lodging house nga nahimutang sa Barangay Lagao Gensan alas 11:00 ang takna sa gabie.
Subay sa report nga nahagpat sa DXMD-RMN Gensan News Team, napalitan matud pa ang suspek ug usa ka sachet sa gituohang shabu gamit ang P500.00 nga marked money.
Luyo niini hugtanong gihingusgan sa suspek nga siya wala namaligya ug iligal nga droga, natingala nalang kini dihang siya gidakop ug gipasanginlang namaligya ug shabu.
Sa bersyon sa suspek, gibutyag niini nga igo ra syang gipick-up ug duha ka mga tawo kansa nagpakarong-ingnong customer apan natingala nalang kini dihang sila anaa na sa lodging house, siya gisikop sa kapulisan.
Giangkon hinuon niini nga siya nagagamitan ug shabu kaniadto apan dugay na syang naundang ug nag-focus nalang sa iyang trabaho isip GRO aron dunay ibuhi sa iyang usa ka anak.
Sa karon ang maong babaye ang balhog na sa silda sa Police Station 1 ug takda na kining pasakaan ug kaso.
(Photo is For Illustration Only)
