Davao city – Preserbasyon sa managlahing kultura ug pagbaton og igong edukasyon sa mga membro sa 11 ka mga tribu sa syudad sa Davao.
Kini mao ang adbokasiya sa 11 ka mga maanyag nga kandidata atol sa Media Presentation niini sa Hiyas sa Kadayawan 2019 subay sa selebrasyon sa ika-34th Kadayawan Festival dinhi sa syudad sa Davao.
Usa-usa nga nagpaila ang mga kandidata nga mao sila:
Aileen Maray (Ata)
Jurica Jordan (Bagobo-K’lata)
Jessa Andian (Bagobo Tagabawa)
Rosephine Ambala (Matigsalug)
Aiza Grace Oquina (Obu-Manuvu)
Sittie Lailie Aragasi (Iranun)
Cherry Anne Saripada (Kagan)
Nurainie Ampatuan (Maguindanaon)
Sittie Aleyah Hadjisalim (Maranao)
Coraima Hasim (Sama)
Kausar Jakilan (Tausug)
Sumala ni Dan Salvana Jr., Event Director, walay kalahian ang criteria ug pre-pageant karong tuiga kun itandi sa milabayng tuig.
Karong Agosto 3, 2019 alas-3:00 sa hapon ipasigarbo sa matag kandidata ang ilang mga talento nga mahinayon sa Abreeza Mall of Davao ug sa Agosto 11, 2019 alas-3:00 sa hapon koronahan ang mga Hiyas sa Kadayawan.
Makadawat og P100,000 ang Hiyas sa Kadayawan, P80,000 alang sa Panaghiusa (1st Runner Up), P60,000 sa Kalamboan (2nd Runner Up) samtang tawagon nga Hiyas sa Kaliwatan ang mga kandidata nga walay makuha nga korona.
RadyoMaN Jason Amisola
