Sa interview sa DXDC RMN Davao kang Police Captain Rizalito Clapiz III, Deputy Chief sa Sta. Ana Police Station gibutyag niini, adunay naka-deploy nga mga personahe sa kapulisan sa Magsaysay Park, tungod sa nagpadayon pang mga aktibidad sa Kadayawan sa Davao, samtang magdugang lang og mga personahe nga mobantay sa buhatan sa COMELEC.
Segun ni Clapiz, gawas sa mga naka-deploy adunay augmentation usab gikan sa Davao City Police Office (DCPO) ug uban pang security forces ang motabang sa pagbantay hangtud matapus ang filing sa COC sa mga mosalmot sa Barangay og Sangunggiang Kabataan Election (BSKE).
Subling nagpahimangno si Clapiz, gidili ang pagdala og mahait nga hinagiban, water container nga dili transparent sa mga mosulod sa Magsaysay Park, syudad sa Davao.
“Expected nga daghan tawo mangadto ana pero by batch mana mosunod lang ta sa rules and regulations nga gipatuman sa COMELEC para dili ta magkagubot didto sa sulod sa Magsaysay Park”,sulti ni Clapiz.
RadyoMaN Don Pulayao
