By: Tita Jen Palomo Debaja
Detained ang 33 anyos nga Ilongga matapos na drugbust sang Nobyembre 16 sa isa ka hotel sa Tai KokTsui.
Antis ginpatigayun ang drugbust ,dakup ang 24 anyos nga Tanzanian tourist sa HK airport sang 2 ka kilo nga cocaine. Sa imbistigasyon sang airport police gintuad sang Tanzanian nga naga hulat sa hotel ang pinay nga “reciever ” sang druga. Gilayun nga gin patigayun ang entrapment kg dakup ang Ilongga sa kwarto sang hotel.
Base sa panaysayon sang tiya sang Ilongga , pila ka adlaw antis gindakup ini ,naka palab ut pa sa iya nga may daku nga problema nga gina atubang. Dugang sang tiya , naga padala ini kada semana sang sustento sa iya 4 ka kabataan tungod dugay na nga napatay ang iya bana.
Nahibaluan nga halin Ethiopia ang courier sang cocaine kg planado na ang pagdeliver sa HK sang druga paagi sa Ilongga.Gin presentar sa una nga hearing sang Nobyembre 24 ang mga akusado kg detained na karun sa Tailam Center for Women sa Tuen Mun samtang naga hulat sa masunod nga hearing.
