Imbestigasyon sa pagkasunog it daywa ka mga lumang bus it Dimple Star nagapadayon

52

Nabas, Aklan — Nagapadayon pa makaron rong imbestigasyon it Bureau of Fire Protection (BFP) Ibajay sa natabong pagkasunog it daywa ka mga lumang bus it Dimple Star kahapon sa Brgy. Pinatuwad, Nabas, Aklan.
Suno kay FO1 Raymond Luce it BFP Ibajay nga nakabaton sanda it fire call angot sa hitabo ag insigida man nanda nga gin respondehan kung sa siin hay mabahoe eon rong kaeayo sa andang pag-abot nga nag abot it kapin sang oras bago raya mapaeong.
Kaibahan sa mga nasunog hay ro mga lumang kariton nga nakatambak man sa lugar.
Sa pinaka latest nga impormasyon nga nabuoe it RMN Kalibo kay FO1 Luce nga base sa andang sigidas nga pag imbestiga hay may nakita nga daywa ka unga sa lugar bago matabo rong sunog nga ginapatihan naghampang it kaeayo ag dayon nga nag eapta.
Kapin sa P400,000 rong naging danyos it nasambit nga sunog.
Rong Dimple Star hay ginapanag-iyahan ni SB Member Gilbert Napat it banwanga Nabas.
(c) owner

Facebook Comments