Nag-alokar sang P1 million ang Department of Education ukon Dep. Ed. 12 para sa insentibo sang mga athletes kag coaches nga maghakot sang bulawan nga medalya sa Palarong Pambansa subong nga tuig.
May-angot sini, suno kay Regional Sports Supervisor Magdaleno “Jojo” Dohilag makabaton sang P15k ang makaangkon sang bulawan nga medalya, P5k sa silver kag P3k sa bronze medal.
Ginpaklaro ni Sir Dohilag nga sa athletes kada gold P15k gid ang mabaton, apang ang sa coach kaisa lang makadawat sang insentibo.
Samtang sa tion nga kulangon suno kay Sir Dohilag ang gin-alokar nga isa ka milyon ka pesos para sa insentibo ginsiguro naman suno pa ni Dep.Ed. 12 Regional Director Arturo Bayucot nga pangitaan niya gid sang pondo basta hakutan lang siya sang madamo nga bulawan nga medalya sa patigayunon nga Palarong Pambansa. photo credit to: Hydee Newtemple
