ISOLATION FACILITY SA BARANGAY POBLACION TAPOSON SULOD LANG SA PITO KA ADLAW, WIFI UG CCTV ITA-OD USAB SA MAONG LUGAR

25

(Photos from Poblacion Barangay Captain  Anthony Pacaña FB )

Tapuson lang sa pito ka adlaw ang gihimong isolation facility diha sa barangay poblacion pinaagi sa gahin nga pundo nga gikan sa Department of Public Works and Hi-ways o DPWH.
 
Matud ni Poblacion Barangay Kapitan Anthony Pacana nga kwarenta ka bed capacity ang maong isolation facility nga anaa diha sa ilang gymnasium.  


Kumpleto kini sa gamit lakip nurse station nga maoy mo-atiman sa mga pasyente nga mabutang sa maong lugar.  

Gani, butangan pa usab ug internet connection ni Pacana ang maong lugar aron adunay kalingawan ang mga pasyente nga ma-isolate sa maong lugar sulod sa katorse ka adlaw.  

Gawas sa internet connection, butangan usab ni kapitan pacana ug 24 hours cctv monitoring aron masiguro usab ang kaluwasan sa mga pasyente nga anaa sulod niini.

Facebook Comments