Makita sa hulagway ang actual nga meeting nila ni Lt. Colonel Amaro, Ka Oto, Ka Lucas, ug Kamander Edroy sa usa ka bukirang bahin sa Surigao del Norte. Kini nahitabo sa ulahing bahin na sa tuig 2016.
Kining maong meeting, subli nga gisaysay ni Lt. Colonel Rico Amaro ang bag-ong Battalion Commander sa 4th Civil Military Operations (CMO) sa Philippine Army, sa iyang courtesy visit sa RMN DXBC Butuan. iyang gisaysay giunsa niya pag-kombinsir si Ka Otto arun mahimamat sa usa ka lugar ug makasalo sa pag-kaun pinaagi sa boodle fight.
Aprabado sumala pa sa division commander ang ilang meeting ni Ka Otto sa miaging tuig sa bukirang bahin sa Surigao del Norte. Walay dala nga armas sumala si Colonel Amaro, ug bugtong duha ka walay armas nga tropa lamang ang iyang giuban nga misulod sa balwarte sa NPA.
Gawas kang ka Otto ang spokesman sa Guerilla Front Committee 16, nahimamat usab ni Colonel Amaro ang mismong kumander nga si Edroy ug lain pang leader sa NPA nga si Ka Lucas.
Atol sa ilang panagkita, wala sumala pa sila gahisgot ug doctrina, ideolohiya apan bugtong tema lamang sa ilang meeting unsaon sa pag-kab-ot sa kalinaw.
Apan human sa maong tigum, daw sa walay nakab-ot nga kaayuhan, gumikan kay nagapadayun gihapon ang kagubot sa Agusan del Norte ug Surigao del Norte, ug padayun ang panagsangka sa militar ug mga NPA.
Sama na lamang sa miaging adlaw, duha ka mga SCAA ang sumala pa gipamusil sa tropa ni Ka Otto, sa may Bangunay, Jabongga Agusan del Norte; lakip na usab ang pagsunod sa NPA sa usa ka trailer truck nga nagkarga ug lubi sa susamang lungsod sa Jabonga.
Kalabut niini, isip bag-ong Battalion Commander sa Civil Military Battalion, subling nangamuyo si Colonel Amaro sa iyang higala nga si Ka Otto, nga mosurender na lamang ug moipon sa AFP.
Sumala pa ni Colonel Amaro, nga andam niya nga I recommend si Ka Otto ngadto na sa AFP ug kang pangulong Duterte, arun mahimong opsiyal sa higayun nga mosurender.
Angay masayaran nga mismong si Presidente Duterte, ang mitanyag sa NPA nga mobalik sa sabakan sa balaod kay andam kini niya isulod sa AFP.
Sa kabahin ni Ka Oto, sumala pa niini bisan pa heneral nga rangko dili siya mosurender ka ang iyang kausa dili alang sa iyang personal, kung dili alang kini sa mga katawhan.
Tags: colonel amaro, ka oto, AFP, PNP, NDF, dxbc693
Virus-free. www.avast.com
