General Santos City— Gipaklaro ni Gensan City Councilor Atty. Franklin Gacal Jr., Chairman sa Committee On Games And Amusement nga adunay igong basehan aron bakwion ang concurrence nga gihatag sa Trento Gaming And Leisure Corporation sa operasyon sa STL sa gensan.
Sumala niya nga adunay daghang pagsupak nga gihimo ang Trento sa ilahang saad panahon sa aplikasyon sa concurrence nga 12 porsyento nga sweldo sa mga usher, apan basi sa reklamo 6 porsyento lang ang ginahatag ngadto kanila.
Lakip usab samga bayolasyon nga iyahang nakit-an amo ang income sa syudad nga gitaguan sa trento gumikan wala man sila nagahatag ug saktong report bahin sa ilahang income matag adlaw nga maoy basehan sa 3 porsyento nga dapat madto sa dakbayan.
Dugang pamahayag ni Kag. Gacal nga basi sa resolusyon kung adunay bayolasyon nga mahimo ang trento gaming, mamahimong bakwion sa SP ang concurrence bisan unsang orasa ug dili ang Mayor maoy mudesisyon niini.
Posible matud pa nga magpasar siya ug resolusyon nga magbakwi sa concurrence ug depende nalang matud pa kini sa iyahang mga kaubanan kung paburan o dili. Ang iyaha lang matud pa mao ang ma-protektahan ang income sa syudad ug dili ma-agrabyado ang mga usher.
