Read: Genesis 50:20
Kung dunay tawo nga angay untang mawad-an na’g paglaum sa kinabuhi ug mobati’g tumang kasilag, siguro kini mao na si Joseph, usa sa dose ka mga anak ni Jacob. Sa asoy sa Bible, bata pa sya dihang namatay ang iyang inahan, gidumtan pag-ayo sa iyang mga igsoon, gani gibaligya pa sa mismo niyang mga igsoon ug gipatoo ang ilang amahan nga patay na sya. Gihimong ulipon sa Ehipto ug gipasanginlan sa sala nga wala niya mahimo hinungdan nga napriso.
Apan luyo niining tanan, nagpabiling kalmado ug masaligon si Joseph nga ang tanang nahitabo sa iyang kinabuhi kabahin sa pag-andam kaniya sa Ginoo ngadto sa mas dako nga buluhaton nga gisangon kaniya.
Gi-ingon sa Bible nga si Joseph nahimong pinakataas ug sinaligan nga lider sa Egypt ug nagluwas gikan sa dakong kagutom sa tibook Ehipto ug labaw sa tanan sa iyang entero pamilya ug tibuok kaliwatan sa Israel.
Sama ni Joseph, posibling dunay mga kasakit ug kagul-anan nga imong nasinatian karon tungod siguro sa mga inhustisya nga imong nasinatian, apan salig lang sa Ginoo because He is still in control of the situation and in His own perfect time,himoon Niyang maayo para kanimo ang tanan aron ang Iyang dakong plano mahataga’g katumanan para sa Iyang kahimayaan ug sa imong kabulahanan.
Pastor Leo
