KALIHUKAN ALANG SA 109TH ADLAW SA DIPOLOG NAKAHAN-AY NA

34
June 17, 2022- Gikatakdang pormal nga pagabuksan ang Pangsangka 2022 sa adlaw’ng Lunes, Hunyo 20 ning tuiga, pinaagi sa usa ka Thanksgiving Mass didto sa Holy Rosary Catheral sa may alas 9:00 ang takna sa buntag diin kini pagatambongan sa mga opisyales ug kawani sa kagamhanang lokal sa Dipolog. Ang Pangsangka 2022, nasayrang usa ka kalihukan nga mag-highlight sa ika-109 nga kasumaran sa Adlaw sa Dipolog karong Hunyo 1 ning tuiga diin daghanang mga aktibidades ang ipahigayon nga mohaom alang ning maong pagsaulog. Gikalatid nga adunay mga paugnat sa kusog sama sa volleyball, badminton, kickball, dart, swimming, pingpong, bike competition ug mobile legend ang nakahan-ay diin kini dulaon sa mga kawani sa kagamhanang lokal sugod sa Hunyo 21 hangtod na sa Hulyo 1 nga maoy gayod ang selebrasyon sa Adlaw sa Dipolog. Lakip sa nakahan-ay nga mga aktibidades mao ang pagbukas sa Taste of Dipolog #habhabdipolog <www.facebook.com/hashtag/habhabdipolog?__eep__=6&__cft__[0]=AZXZsoaBOY45xfy1Zjf1cOjroleqvIV06erO4UU5waARjICr8Xya-Qd0wbrxyEfibJ9h8U7B9hBLedJWHd9rMBnLqpdSNGsysSQz0Ma_RKwagXwEQE5xaHOlL4xS835lG_e9q2Oj01lf88KM_2ikl0JEAUVfMaLy2q-b7xhdBLKW-3r_mNRRRAhtgnDBo7oJ1U0&__tn__=*NK-R> didto sa Dipolog Boulevard sa Hunyo 24, samtang sa Hunyo 25 ipahigayon ang Inauguration and Oath Taking sa mga re-elected ug bag-ong napili nga opisyales sa dakbayan sa may alas 5:00 ang takna sa hapon, sundan kini sa Reggae & Alternative Rock Fest (Pahugyaw sa Boulevard) pagka alas 6:00 sa sayong kagabhi-on. Hunyo 26 mao ang skedyul alang sa BMX Bike Competition (4:00pm) ug ZTAG’s Goes Broadway Acoustic Music Sunday (6:00pm/Pahugyaw sa Boulevard), Hunyo 27- ipahigayon ang Dipolog Street Dance Summit (6:00pm/Pahugyaw sa Boulevard), Hunyo 28- Singing “E” Empleyado Dipolog Rap Challenge(6:00pm/Pahugyaw sa Boulevard), Hunyo 29- Among Syudad- Dipolog’s Pride(6:00pm/Pahugyaw sa Boulevard) ug Hunyo 30- Adlawa sa Dipolog Music Festival 2022 (5:00pm/Dipolog Sports Complex). Adunay usa’y duha ka adlaw nga Koi Show/Exhibit sugod Hunyo 30 hangtod Hulyo 1, didto sa Dipolog Boulevard sa mag alas 8:00 ang takna sa buntag. Nasayran nga sa Hulyo 1, nga mao mismo ang Adlaw sa Dipolog, ipahigayon ang 109th Adlaw sa Dipolog Program sa alas 8:00 sa kabuntagon ug magpadayon ang selebrasyon hangtod na sa may alas 6:00 sa hapon diin mahitabo ang One Dipolog Party 2.0(Pahugyaw sa Boulevard) ug ipasundayag dayon ang Fireworks Display isip pagtak-op usab sa P’gsalabuk Festival ning dakbayan. (cio-Ltd)
Facebook Comments