General Santos City— Padayon ang ginahimong imbestigasyon sa kapulisan sa Sultan Kudarat Provincial Police Office sa pagkarekober sa usa ka Improvised Explosive Device kon IED sa may Brgy. Kalawag II, Isulan, Sultan Kudarat.
Sumala kang Police Senior Superintendent Raul Supiter, Provincial Director Sa Sultan Kudarat Provincial Police Office nga aduna na silay mga grupo nga ginatutukan nga posibleng responsable sa pagbilin sa maong eksplosibo.
Nagdumili man usab kini sa pagbutyag sa maong grupo gumikan padayon ang ilahang ginahimo nga validation ug kumpirmasyon.
Pamahayag ni Col. Supiter nga higayon nga mibuto ang maong eksplosibo, ubay-ubay ang mga mahimong biktima gumikan anaa lang kini gibilin sa highway nga bahin.
Dugang pa niya nga wala siya’y nakit-ang kalapasan sa kabahin sa kapulisan gumikan ginahimo man nila ang ilahang trabaho ug dili lang usab responsibilidad sa otoridad ang pagbantay sa siguridad kundili kini ang obligasyon sa tanan.
