Dipolog City – Bahog karon sa selda sa Dipolog pnp ang usa ka suspetsado sa pagpangawat ug single motor mga alas 8:00 kagabii didto sa Purok Buli, Barangay Minaog ning dakbayan sa Dipolog.
Ang nadakpan giila sa kapolisan nga mao si Jyffe Briones Laurel, 28 anyos, minyo, lumad nga taga Barangay Dableston, lungsod sa Sultan Naga Dimaporo, Lanao del Norte, temporaryong nagpuyo sa Sitio Cavite, Barangay Baylimango, dakbayan sa Dapitan.
Sa nahipos nga kasayuran sa Dipolog city police station, ang suspetsado nasakpan sa akto sa tag-iya sa single motor nga si Nerven Banaybanay, 30 anyos, mulupyo sa Purok Buli Minaog, nga gihandos ang gipanag-iyang motor honda wave 125, kolor pula plaka numero 7H 1935 nga diha giparking atbang sa balay.
Swerteng wala tagad nakaandar ang gihandos nga motor pipila na ka metros ang gilay-on.
Ang tag-iya nakasakop nagpatabang kang PO1 Jacinto Cuison sa compact post sa Barangay Minaog ug malampuson nga naarresto ang suspetsado ug nabawi ang maong single motor.
