Nasayran nga alas-6:45 sa buntag niadtong Hunyo 4, 2026, samtang nagsakay ang babayeng biktima sa bus gikan sa Davao City padulong sa Bansalan, Davao del Sur, mihilak kini tungod kay ang iyang katapad nga suspek nagdula sa iyang kaugalingong pribadong parte sa lawas ug gihapyud ang tuong kamot sa biktima.
Nasayran nga nakita sa mga kaubang pasahero ang insidente, busa gitabangan ang biktima ug nakapangayo og tabang sa mga sakop sa Santa Cruz Municipal Police Station nga nagpahigayon og checkpoint sa Barangay Zone 3, Santa Cruz.
Samtang anaa na karon sa kustodiya sa Santa Cruz Municipal Police Station ang suspek, gikatakda ang pagpasaka og kaso batok kaniya, samtang ang biktima gitugyan na sa Municipal Social Welfare and Development Office aron matabangan.
RadyoMaN Bien Abanos
