Kinadaghanang nabakunahan, natala sa Bukidnon sa entiro Rehiyon X sa National Vaccination Program

29

Natala sa probinsya sa Bukidnon ang kinadaghanang nabakunahan sa entiro Rehiyon X atol sa gipahigayong 3-day National Vaccination Program kutob kagahapong adlawa.

Kini ang gibutyag ni PMAJ. Jeselle Longakit, ang Spokesperson sa PNP-Provincial Command sa Bukidnon atol sa interview sa RMN DXMB Malaybalay.

Sumala niya nga miabot sa kapin 141,000 ka mga indibidwal ang nabakunahan sa 46 ka mga vaccinations sites sa probinsya sa gipahigayong National Vaccination Program basi sa record sa kapulisan.


Gidugang ni PMAJ. Longakit nga dako kini nga kalampusan sa probinsya ilabi na sa gitinguha nga Herd Immunity.

Sa pikas nga bahin, hapsay usab ang seguridad sa gipahigayong pagpamakuna ug walay natala nga mga insidente sa kriminalidad.

Miabot sa 357 ka mga PNP Personnels sa probinsya ang gikatag aron sa pagseguro sa pagsunod sa mga sumbanan batok sa Covid-19 ug sa kaluwasan sa mga magpabakuna.



Dugang ni PMAJ. Longakit nga maghatag usab og situation report ang mga kapulisan kabahin sa mga nairekord nga nabakunahan sa matag vaccination sites.

Facebook Comments