Konsehal, naalarma sa sunod-sunod nga pagpamusil sa GenSan!

59

General Santos City— Gika-alarma ni Gensan City Councilor Atty. Jeng Gacal, chairman sa peace and order sa konseho ang sunod-sunod nga pagpamusil sa dakbayan.

Sumala niya nga kung dili kayang pugngan ang mga pagpamusil, kinahanglan gyud nga kini hatagan ug hustisya ug sulbaron.

Gitawagan usab niini ang atensyon sa kapulisan gumikan kung basihan, daw sa usa ang maitalang biktima sa pagpamusil-patay sa syudad matag semana human milingkod si Police Senior Superintendent Romeo Ruel Berango.


Giawhag man usab ni Kagawad Gacal si Col. Berango nga magsubmitar kaniya ug report kabahin sa sunod-sunod nga pagpamusil sa syudad.

Dili man usab kini kumbinsido nga druga ang tanang hinungdan sa mga pagpamusil sa mga biktima rason nga kinahanglan gyud nga imbestigahan ang maong mga kaso.

Dugang pagbutyag ni Kagawad Gacal nga dili niya masulting adunay pagpasagad ang kapulisan sa ilahang trabaho kundili kakulangan sa aksyon bahin sa maong insidente.



Pamahayag niini nga dili maayo alang sa syudad nga halos matag adlaw nga adunay ginapatay gumikan makahatag kini ug maot nga imahe.
Dili matud pa sama sa pagdumala kaniadto ni Police Senior Superintendent Maximo Layugan nga halos walay naitalang patay sa syudad kung itandi sa pagdumala karon ni Col. Berango.

Facebook Comments