Laboratory result han suicide note han Leyte High teacher, gumawas na

TACLOBAN CITY – Gumawas na an laboratory result tikang ha PNP Crime laboratory ha gin-aaligar suicide note han TLE teacher han Leyte National High School nga hi Romela Segador.

Ha interview han RMN kan PCInsp. Rex Cantillep, Information Officer han Tacloban City Police Office, positibo nga an tulo nga nakakurumos nga papel ngan an penmanship in tikang mismo kan teacher Romela “Findings han scientific comparative examination an analysis of question handwriting submitted hand writing samples of the victim revealed similarities in writing movement, line quality, stroke structure, letter formation, and connections.”

Nakiling na ngan dako na an posibilidad nga nag-suicide hi teacher Romela pero diri la gihapon gindidiwara han mga otoridad nga bangin ginpatay an mao nga maistra sanglit an makakabaton gud hini an autopsy report nga ngada yana ginhihinulat han Tacloban PNP tikang ha PNP Crime laboratory ha Cebu.


Dugang ni PCInsp. Cantillep, harani na an ira imbistigasyon ha kamatuuran. “Harani na kita ha kamatuuran pero diri kita aadto kita mahulat han autopsy report para atleast ma-clear na an tana nga panhitabo.”

Pagklaro naman han mga otoridad ha madugay nga resulta han autopsy report tungod nga bug-os nga lawas ni teacher Romela an gin-autopsy para agud masabtan kun bangin mayada nagawas nga ginpatay an Leyte High teacher.

Facebook Comments