Lalaki sikop sa drug buy-bust operation sa Dinas

23
Dinas, Zamboanga del Sur – Kasong paglapas sa RA 9165 ang atubangon sa usa ka suspek nga nadakpan sa gilusad nga buy bust operation sa Purok Uno Sabana, Barangay Legarda Uno lungsod sa Dinas sa may ala 1:15 sa hapon kagahapong adlawa.
Mga kapulisan sa Dinas MPS nga gipanguluhan ni PMAJ Mario Regidor kauban ang ZSPDEU nga giunhan PMSg Erlesandie Albios ang nikasa sa maong operasyon.
Ang maong operasyon ang miresulta sa pagkasikop sa target ug suspek nga si Jessan Ponce Cabalfin, 23-anyos, minyo, residente sa Purok Nangka, Barangay Lower Campo Islam, Labangan, Zamboanga del Sur.
Nakumpiska atol sa maong operasyon ang gituhuang shabu nga gibanabanang nitimbang sa 0.80 gram nga may kantidad nga 5,440 pesos lakip na ang 500 pesos nga buy bust money.
Ang maong dinakpan ang anaa karon sa Dinas Municipal Police Station alang sa tukmang disposasyon.
Facebook Comments