Lalaki wala tugti molakaw sa Undas, nagmaoy

Davao City – Gidid-an sa iyang kalive-in partner nga muadto sa sementeryo alang sa pagduaw sa iyang minahal sa kinabuhi hinungdan nga buot unta magsuicide sa usa ka lalaki ug nagbahad nga sunogon ang ilang panimalay nga miresulta sa pagkaalarma sa mga residente partikularmente sa Purok 3-A, Isla Verde, Brgy. 23-C siyudad sa Davao.

Daling nagpatabang sa kapolisan sa Sta. Ana PNP ang usa ka Maretis Congreso, 44-anyos, diin iyang gireklamo ang suspect nga si Randy Lumictin, hingkod ang edad, nagpuyo sa nahisgutang lugar.

Base sa report, kalit nga nag-away ang suspect tali sa iyang live-in partner sulod sa ilang panimalay diin nagwild ug buot na unta kini magpakamatay.


Gikabalak-an sa mga lumulupyo niadtong dapita nga iya na untang sunogon ang ilang balay apan napugngan ug dali kining nasikop sa mga otoridad.

Sa pagka karon ang balhog na ang suspetsado sa Sta. Ana PNP ug possible nga mag-atubang og kaso.

RadyoMaN Don Pulayao

Facebook Comments