Davao City – Nangayo og tabang sa publiko si Barangay 76-A Bucana Kapitan Robert Olanolan aron mailhan ang mga kabataang giingong nangawat og mga bakal gikan sa usa ka proyekto sa gobyerno nga gitukod alang sa kaayohan sa katawhan.
Matud pa sa kapitan atol sa pakighinabi sa DXDC RMN Davao nga gibaligya matud pa sa mga suspek ang nakuha nga bakal aron ipalit sa ilang bisyo. Tungod niini, nabalaka ang barangay sa padayon nga pagkadaot sa mga proyektong pampubliko.
Gipahayag usab ni Olanolan ang iyang kabalaka sa maong insidente nga nalambigit sa mga menor de edad ug gi-awhag ang mga ginikanan nga bantayan ug badlongon ang ilang mga anak aron malikayan ang dugang pang problema sa komunidad.
Gihangyo sa barangay ang mga residente nga adunay CCTV footage o impormasyon may kalabotan sa insidente nga ipahibalo dayon sa opisina sa Barangay 76-A Bucana aron mapadali ang imbestigasyon ug pag-ila sa mga responsable.
RadyoMaN Kareen Beltran
Matud pa sa kapitan atol sa pakighinabi sa DXDC RMN Davao nga gibaligya matud pa sa mga suspek ang nakuha nga bakal aron ipalit sa ilang bisyo. Tungod niini, nabalaka ang barangay sa padayon nga pagkadaot sa mga proyektong pampubliko.
Gipahayag usab ni Olanolan ang iyang kabalaka sa maong insidente nga nalambigit sa mga menor de edad ug gi-awhag ang mga ginikanan nga bantayan ug badlongon ang ilang mga anak aron malikayan ang dugang pang problema sa komunidad.
Gihangyo sa barangay ang mga residente nga adunay CCTV footage o impormasyon may kalabotan sa insidente nga ipahibalo dayon sa opisina sa Barangay 76-A Bucana aron mapadali ang imbestigasyon ug pag-ila sa mga responsable.
RadyoMaN Kareen Beltran
Facebook Comments
