Tingkagol na sa Sison Municipal Jail an suspetsado na amahan na way kalouy na mitigbas sa ija mga anak tungod lamang kay dugay nakauli gikan sa eakuylahan an ija duha ka mga anak na menor de edad na nagpangidaron pa nan 12 og 10 anyos .Nagbasol sa pagkakuman an suspetsado na amahan na si Danilo Eriso, 46 anyos, isa ka mag uuma na taga Mabuhay Sison ,Surigao del Norte.An pagpanigbas sa duha ka mga menor de edad na anak nahitabo sa ila panimayay mismo sa suspetsado sa brgy. Mabuhay ,Sison, SDN. Sumaya pa sa pakighinabi nan RMN Surigao sa suspetsado na si Eriso na waya sija mahibayo sa ija taghimo sa ija duha ka mga anak tungod kay ubos cja sa inpluwensya sa ilimnong makahubog sa did on na ija gihimo an pagpanigbas . An mga biktima na menor de edad an jaun na hinua sa luwas na kahimtang human na gidaya sa Caraga Regional Hospital.Samtang an suspetsado na amahan mag atubang sa kaso sa frustrated parricide sanan an paglapas sa RA 7610 o Child Abuse.
