Davao City- Andam nga mu-serbisyo ang kanhi Gabriela Party-list representative nga si Luzviminda “Luz” Ilagan og madayon man nga siya ang ihulip sa na-reject sa Commission on Appointments nga si kanhi Department of Social Welfare and Development kun DSWD Secretary Judy Taguiwalo.
Kini ang sigun ni Rep. Ilagan atol sa interview sa DXDC RMN Davao kaniya diin dunay mga hungihong nga ihulip siya sa pwesto ni Taguiwalo.
“Kung kana ang pamaagi nga makaserbisyo, nganong dili pud kay atoa man lang kung asa ta makaserbisyo. Dili man ta pwede mamili ug posisyon kay kung unsay ihangyo sa Presidente, mao na atong dawaton,’’ sigun ni Ilagan.
Dugang ni Ilagan sumala, wala pa siya’y nadawat nga komunikasyon gikan sa Malacañang kabahin niini.
Kahinumduman nga gibasura sa Commission on Appointments kun CA ang kumpirmasyon sa ad interim appointment ni Judy Taguiwalo isip Secretary sa DSWD kaniadtong Agosto 16.
Kasamang Renz Barbarona
